apni na-karda-gunahi ki saza ho jaise
hum se is shahr mein har ek KHafa ho jaise
sochte chehron pe jalte hue aasar-e-hayat
yak-ba-yak waqt ka irfan hua ho jaise
ye dhundalke ye dar-o-baam ka gambhir sukut
chandni raat mein mahtab luTa ho jaise
tujh se milne ki tamanna teri qurbat ka KHayal
reg-zaron mein koi phul khila ho jaise
wahi KHubi wahi iKHlas-o-murawwat ke nishan
Hyderabad ki ek shahr-e-wafa ho jaise
Ghazal
Apni na-karda-gunahi ki saza ho jaise
Wakil Akhtar