apne andar ke andhere ko jalaya main ne
kaun kahta hai ki tufan uThaya main ne
tu mujhe zahr pilati hai ye tera shewa
ai meri raat tujhe KHun pilaya main ne
is KHarabe ke muqaddar mein faqat sannaTa
apni tanhai ko ek jism banaya main ne
koi Takrae to is hijr-zada mausam mein
raat jangal mein bahut KHud ko jalaya main ne
Ghazal
Apne andar ke andhere ko jalaya maine
Moid Rashidi