ajab sada ye numaish mein kal sunai di
kisi ne sang se taswir ko rihai di
sunahre harf bhi miTTi ke bhaw bech diye
tujhe to main ne nae zehn ki kamai di
bacha saki na mujhe bhiD chup ke qatil se
hazar shor machaya bahut duhai di
wo shaKHs mar ke bhi apni jagah se hil na saka
ki ek zamane ne jumbish to intihai di
kabhi wo TuT ke bikhra kabhi wo jama hua
KHuda ne us ko ajab moajiza-numai di
Ghazal
Ajab sada ye numaish mein kal sunai di
Iqbal Sajid