Ajab chanchal mila hai yar hamna

ajab chanchal mila hai yar hamna
kiya ik-bargi sarshaar hamna

tadhan sun dekh kar kuchh yun samajhte
do-alam sahab-e-asrar hamna

gul-e-bustan hai goya KHar-e-sahra
wasa jab husn ka gulzar hamna

zamin sun ta-falak sare hijabaat
hue hain matla-ul-anwar hamna

hua dil surKH-ru aaya nazar jab
shagufta chehra-e-gul-nar hamna

nawazish aur talattuf sun apas ke
diya KHalwat mein apne bar hamna

'alimullah' huzuri mein sanam ke
nahin juz bandagi iqrar hamna