aise lage hai naukri mal-e-haram ke baghair
jaise ho 'dagh' ki ghazal baada o jam ke baghair
ho na samaj bich mein ishq ho yun speed mein
lari chale break-bin ghoDa lagam ke baghair
pyar ki sari guftugu ab wo kare hai phone par
aur phire hai nama-bar nam o payam ke baghair
biwi ki ek chup se hai ghar ki faza bujhi bujhi
jaise koi mushaera mere kalam ke baghair
'shahid' hamara sher hai oDhe hui shaguftagi
warna hai tegh-e-be-aman wo bhi niyam ke baghair
Ghazal
Aise lage hai naukri mal-e-haram ke baghair
Sarfaraz Shahid