ai sajan waqt-e-jaan-gudazi hai
mausam-e-aish-o-fasl-bazi hai
in chakoron se dur rah ai chand
qaul ushshaq ka namazi hai
is qalandar ki baat sahl na bujh
ishq ke fan mein faKHr-e-raazi hai
ham-qarin mujh na kar raqiban sun
taur yaron ki pak-bazi hai
aashiqan jaan-o-dil ganwate hain
ye na taur-e-zamana-sazi hai
'faez' us KHush-ada sirijan pas
be-gunahan ka qatl bazi hai
Ghazal
Ai sajan waqt-e-jaan-gudazi hai
Faez Dehlvi