ai musawwir yaad ki taswir khincha chahiye
hath mera us ka daman-gir khincha chahiye
mujh se bismil ki agar taswir khincha chahiye
ye gala mera tah-e-shamshir khincha chahiye
bast-e-zulf-e-musalsal hai ye dil surat-garo
donon jaanib us ke do zanjir khincha chahiye
rang-e-zard-e-ashiqan kar sirf ja-e-zafaran
is basanti-posh ki taswir khincha chahiye
kaghaz-e-abri pe likh haal-e-dil-e-pur-soz-e-ishq
gird us ke barq ki tahrir khincha chahiye
Ghazal
Ai musawwir yaad ki taswir khincha chahiye
Ishq Aurangabadi