ai bagh-e-haya dil ki girah khol suKHan bol
tangi hai mere haal par ai ghuncha-dahan bol
ai aah suna us kun mere haal ki arzi
tujh zulf ke pechon ne diya mujh kun shikan bol
muddat sati parwana tun hamdard mera hai
us shama sen teri jo lagi aaj lagan bol
aati hai tujhe dekh ke gul-ru ki gali yaad
ai bulbul-e-betab mujhe apna watan bol
KHamosh na ho soz-e-'siraj' aaj ki shab puchh
bhaDki hai mere dil mein tere gham ki agan bol
Ghazal
Ai bagh-e-haya dil ki girah khol suKHan bol
Siraj Aurangabadi