agle din kuchh aise honge
chhilke phalon se mahnge honge
nannhi nannhi chiyunTiyon ke bhi
hathi jaise sae honge
bhiD to hogi lekin phir bhi
sune sune raste honge
phul khulenge tanha tanha
jhurmuT jhurmuT kanTe honge
log use bhagwan kahenge
jis ki jeb mein paise honge
rit jalegi dhup mein 'anwar'
barf pe baadal chhae honge
Ghazal
Agle din kuchh aise honge
Anwar Masood