Agar shama hue to gal gae hum

agar shama hue to gal gae hum
jo parwana hue to jal gae hum

paDe aa kar falak ke aasiya mein
misal-e-dana hae dal gae hum

kisi surat na paya hum ne aaram
yahan se wan ke tain be-kal gae hum

na yan se le gae na wan se lae
kaf-e-afsos nahaq mal gae hum

tilismat-e-jahan ka dekh zahir
taraf mani ke ab ojhal gae hum

chale aae the tariki se lekin
pa chalte waqt le mashal gae hum

na aaya hath wo dair-o-haram mein
mila jab dal ke dar-mandal gae hum

agar samjhoge mani shaiKH sahab
gae par tum ko kar qael gae hum

rahega nam 'afridi' ka ta-hashr
hamein the jo ki la-tail gae hum