agar masjid se waiz aa rahe hain
qadam kyun Dagmagae ja rahe hain
kisi ki bewafai ka gila tha
na jaane aap kyun sharma rahe hain
ye diwana kisi ki kya sunega
ye diwane kise samjha rahe hain
manane ke liye jashn-e-bahaaran
nasheman bhi jalae ja rahe hain
'amir' un ko hai fikr-e-chashm-e-nam bhi
wo daman bhi bachae ja rahe hain
Ghazal
Agar masjid se waiz aa rahe hain
Ameer Qazalbash