agar gul mein pyare teri bu na howe
wo manzur-e-bulbul kisi ru na howe
tere bin to firdaus mujh ko jahannam
qayamat ho mujh par agar tu na howe
ho us bazm mein shama kab raunaq-afza
jahan mahfil-afroz mah-ru na howe
ye aaina le ja ke patthar se phoDun
pari ka agar darmiyan ru na howe
mahakti hai zulf-e-siyah us ki har raat
kahin us mein 'ishq' itr-e-shabbu na howe
Ghazal
Agar gul mein pyare teri bu na howe
Ishq Aurangabadi