abru ne tere khinchi kaman jaur-o-jafa par
qurban karun sau jiw tere tir-e-ada par
yaqut ko lawe nahin KHatir mein kabhi wo
jis ki nazar ai yar paDe teri hina par
kya KHub tere sar pe lage chira-e-salo
kya zeb dewe basma teri sabz qaba par
tujh dam mein ai aahu-e-chin band hai 'faez'
hargiz nahin us tair-e-andesha KHata par
Ghazal
Abru ne tere khinchi kaman jaur-o-jafa par
Faez Dehlvi