ab tak sharik-e-mahfil-e-aghyar kaun hai
hum bewafa hue to KHata-war kaun hai
yan sab ko mil gae hain sahaare ba-qadr-e-shauq
tum sochte rahe ki talabgar kaun hai
nazron ne kis ki chaak kiye parda-ha-e-rang
sanwla diya hai jis ne ruKH-e-yar kaun hai
daman hazar chaak gareban hazar wa
ye dekhna hai kitna gunahgar kaun hai
Ghazal
Ab tak sharik-e-mahfil-e-aghyar kaun hai
Zehra Nigaah