ab rawani se hai najat mujhe
munjamid kar gai wo raat mujhe
sab guman rah gae dhare ke dhare
ho gaya e'tibar-e-zat mujhe
main adam ki panah-gah mein hun
chhu bhi sakti nahin hayat mujhe
zara bhi ehtijaj kar na saka
le gaya saya apne sat mujhe
mujh se naraaz chal rahe hain harf
ghurte hain qalam dawat mujhe
sochta hun ki khel se haT jaun
barha mil rahi hai mat mujhe
Ghazal
Ab rawani se hai najat mujhe
Vikas Sharma Raaz