ab kise chahen kise DhunDa karen
wo bhi aaKHir mil gaya ab kya karen
halki halki barishen hoti rahin
hum bhi phulon ki tarah bhiga karen
aankh munde us gulabi dhup mein
der tak baiThe use socha karen
dil mohabbat din duniya shairi
har dariche se tujhe dekha karen
ghar naya kapDe nae bartan nae
in purane kaghazon ka kya karen
Ghazal
Ab kise chahen kise DhunDa karen
Bashir Badr