ab aaen ya na aaen idhar puchhte chalo
kya chahti hai un ki nazar puchhte chalo
hum se agar hai tark-e-talluq to kya hua
yaro koi to un ki KHabar puchhte chalo
jo KHud ko kah rahe hain ki manzil-shanas hain
un ko bhi kya KHabar hai magar puchhte chalo
kis manzil-e-murad ki jaanib rawan hain hum
ai rah-rawan-e-KHak-basar puchhte chalo

Ghazal
Ab aaen ya na aaen idhar puchhte chalo
Sahir Ludhianvi