aati jati sans kaise tere gham se man gai
kya bataen zindagi KHud-raftagi kyun ban gai
baat bhi sah len kisi ki ab kahan itna dimagh
tum se ruThe the laDai dusron se Than gai
kaghazon se main tera uryan badan dhakne laga
jo bacha rakkhi thi ab tak wo mata-e-fan gai
reza reza chand palkon ki chaTanon par mila
raat kale gham ki aise jhaD kar daman gai
roz-o-shab ki ye masafat jaane kab hogi tamam
phir hawa le kar hamare jism ka indhan gai
Ghazal
Aati jati sans kaise tere gham se man gai
Mushaf Iqbal Tausifi