aashiq kahen hain jin ko wo be-nang log hain
mashuq jin ka nam hai wo sang log hain
kis tarah kasbiyon se rakhe koi ji bacha
sab jaante hain in ko ye sarhang log hain
majnun tu ja ke dasht mein fariyaad kar ki aae
nale se tere shahr ke dil-tang log hain
aalam ke sufiyon ke koi kya samajh se
har rang se juda hain ye be-rang log hain
hum to na lal-e-lab ka tere bosa le sake
rakhte hain ye KHayal jo be-Dhang log hain
utra hai kaun aab mein ye jis ke husn se
hairan khaDe hue ba-lab-e-gang log hain
mere lughat-e-sher ke aalam ko 'mushafi'
samjhen hain wo jo sahib-e-farhang log hain
Ghazal
Aashiq kahen hain jinko wo be-nang log hain
Mushafi Ghulam Hamdani