aaKHiri bar zamane ko dikhaya gaya hun
aisa lagta hai ki main dar pe laya gaya hun
sab mujhe DhunDne nikle hain bujha kar aankhen
baat nikli hai ki main KHwab mein paya gaya hun
peD bhi zard hue jate hain mujh se mil kar
jaane main kaisi udasi se banaya gaya hun
rah takti hai kisi aur jagah KHush-KHabari
main magar aur hi raste se bulaya gaya hun
kitni mushkil se mujhe dhup ne sarsabz kiya
kitni aasani se barish mein jalaya gaya hun
Ghazal
AaKHiri bar zamane ko dikhaya gaya hun
Abid Malik