aaj dista hai haal kuchh ka kuchh
kyun na guzre KHayal kuchh ka kuchh
dil-e-be-dil kun aaj karti hai
shoKH chanchal ki chaal kuchh ka kuchh
mujko lagta hai ai pari-paikar
aaj tera jamal kuchh ka kuchh
asar-e-baada-e-jawani hai
kar gaya hun sawal kuchh ka kuchh
ai 'wali' dil kun aaj karti hai
bu-e-bagh-e-visal kuchh ka kuchh
Ghazal
Aaj dista hai haal kuchh ka kuchh
Wali Mohammad Wali