aaine rup chura lenge udhar mat dekho
tum ko baaton mein phansa lenge udhar mat dekho
chain luT jaega gar tum ne udhar dekh liya
log KHwabon mein basa lenge udhar mat dekho
ek angara ho tum phul ke pairahan mein
ungliyan log jala lenge udhar mat dekho
chandni dhul ki manind wahan uDti hai
tum ko manzar wo lubha lenge udhar mat dekho
hum to aawara the panw mein safar bandh chale
lo nazar hum hi jhuka lenge udhar mat dekho
Ghazal
Aaine rup chura lenge udhar mat dekho
Fay Seen Ejaz