aaina aisa kabhi dekha na tha
mere chehre mein mera chehra na tha
nind lipTi rah gai is KHwab se
dar-haqiqat KHwab jo apna na tha
ek paDosi dusre se na-balad
be-murawwat shahr to itna na tha
raushni ka ye bhi hai ek tajraba
main jahan bhaTka tha andhiyara na tha
hath jo khola to bachcha ro paDa
band muTThi mein koi sikka na tha
Ghazal
Aaina aisa kabhi dekha na tha
Mushtaq Sadaf