Aai sahar qarib to maine paDhi ghazal

aai sahar qarib to main ne paDhi ghazal
jaane lage sitaron ke bajte hue kanwal

be-tab hai junun ki ghazal-KHwaniyan karun
KHamosh hai KHirad ki nahin baat ka mahal

kaise diye jalae gham-e-rozgar ne
kuchh aur jagmagae gham-e-yar ke mahal

ab tark-e-dosti hi taqaza hai waqt ka
ai yar-e-chaara-saz meri aag mein na jal

ai iltifat-e-yar mujhe sochne to de
marne ka hai maqam ya jine ka hai mahal

hum rind KHak-o-KHun mein aTe hath bhi kaTe
nikle na ai bahaar tere gesuon ke bal