aadha jiwan bita aahen bharne mein
aadhi umr tawazun qaem karne mein
duniya to patthar hai patthar kya jaane
kitne aansu chiKH rahe hain jharne mein
ek tufan aur ek jazira hail hai
Dubne aur samundar par utarne mein
ek pal joD raha hai do duniyaon ko
ek pal hail hai jine aur marne mein
marne wala dekh raha tha sab naTak
sab masruf the apni jeben bharne mein
Ghazal
Aadha jiwan bita aahen bharne mein
Shabnam Rumani