aadam ka jism jab ki anasir se mil bana
kuchh aag bach rahi thi so aashiq ka dil bana
sargarm-e-nala in dinon main bhi hun andalib
mat aashiyan chaman mein mere muttasil bana
jab tesha kohkan ne liya hath tab ye ishq
bola ki apni chhati pe dharne ko sil bana
jis tirgi se rose hai ushshaq ka siyah
shayad usi se chehra-e-KHuban pe til bana
lab zindagi mein kab mile us lab se ai kalal
saghar hamari KHak ko math karke gil bana
apna hunar dikhawenge hum tujh ko shishagar
TuTa hua kisi ka agar hum se dil bana
sun sun ke arz haal mera yar ne kaha
'sauda' na baaten baiTh ke yan muttasil bana
Ghazal
Aadam ka jism jab ki anasir se mil bana
Sauda Mohammad Rafi