KHair se dil ko teri yaad se kuchh kaam to hai
wasl ki shab na sahi hijr ka hangam to hai

Hasan Nayeem

---

---

chori chori hum se tum aa kar mile the jis jagah
muddaten guzrin par ab tak wo Thikana yaad hai

Hasrat Mohani

---

---

chupke chupke raat din aansu bahana yaad hai
hum ko ab tak aashiqi ka wo zamana yaad hai

Hasrat Mohani

---

---

haqiqat khul gai 'hasrat' tere tark-e-mohabbat ki
tujhe to ab wo pahle se bhi baDh kar yaad aate hain

Hasrat Mohani

---

---

khinch lena wo mera parde ka kona dafatan
aur dupaTTe se tera wo munh chhupana yaad hai

Hasrat Mohani

---

---

nahin aati to yaad un ki mahinon tak nahin aati
magar jab yaad aate hain to aksar yaad aate hain

Hasrat Mohani

---

---

phir aur taghaful ka sabab kya hai KHudaya
main yaad na aaun unhen mumkin hi nahin hai

Hasrat Mohani

---

---