waqt karta hai parwarish barson
hadisa ek dam nahin hota

Qabil Ajmeri

---

---

abta lakh sahi qafila-salar ke sath
hum ko chalna hai magar waqt ki raftar ke sath

Qateel Shifai

---

---

waqt har zaKHm ka marham to nahin ban sakta
dard kuchh hote hain ta-umr rulane wale

Sada Ambalvi

---

---

shorish-e-waqt hui waqt ki raftar mein gum
din guzarte hain tere KHwab ke aasar mein gum

Saeed Ahmad

---

---

ghazal us ne chheDi mujhe saz dena
zara umr-e-rafta ko aawaz dena

Safi Lakhnavi

---

---

kal hum aaine mein ruKH ki jhurriyan dekha kiye
karwan-e-umr-e-rafta ka nishan dekha kiye

Safi Lakhnavi

---

---

mohabbat mein ek aisa waqt bhi aata hai insan par
sitaron ki chamak se choT lagti hai rag-e-jaan pa

Seemab Akbarabadi

---

---