aap ke hote kisi aur ko chahun tauba
kis taraf dhyan hai kya aap ye farmate hain

Lala Madhav Ram Jauhar

---

---

shikast-e-tauba ki tamhid hai teri tauba
zaban pe tauba 'mubarak' nigah saghar pa

Mubarak Azimabadi

---

---

tauba ki rindon mein gunjaish kahan
jab ye aaegi nikali jaegi

Mubarak Azimabadi

---

---

itni pi hai ki baad-e-tauba bhi
be-piye be-KHudi si rahti hai

Riyaz Khairabadi

---

---

jam hai tauba-shikan tauba meri jam-shikan
samne Dher hain TuTe hue paimanon ke

Riyaz Khairabadi

---

---

un ke ruKHsar pe Dhalke hue aansu tauba
main ne shabnam ko bhi shoalon pe machalte dekha

Sahir Ludhianvi

---

---

hae 'simab' us ki majburi
jis ne ki ho shabab mein tauba

Seemab Akbarabadi

---

---