muddaton baad uThae the purane kaghaz
sath tere meri taswir nikal aai hai

Sabir Dutt

---

---

main ne to yunhi rakh mein pheri thin ungliyan
dekha jo ghaur se teri taswir ban gai

Saleem Betab

---

---

apne jaisi koi taswir banani thi mujhe
mere andar se sabhi rang tumhaare nikle

Salim Saleem

---

---

hej di taswir apni un ko ye likh kar 'shakil'
aap ki marzi hai chahe jis nazar se dekhiye

Shakeel Badayuni

---

---

main ne bhi dekhne ki had kar di
wo bhi taswir se nikal aaya

Shehpar Rasool

---

---

mujh ko aksar udas karti hai
ek taswir muskuraati hui

Vikas Sharma Raaz

---

---