pyar gaya to kaise milte rang se rang aur KHwab se KHwab
ek mukammal ghar ke andar har taswir adhuri thi

Ghulam Mohammad Qasir

---

---

aata tha jis ko dekh ke taswir ka KHayal
ab to wo kil bhi meri diwar mein nahin

Ghulam Murtaza Rahi

---

---

teri surat se kisi ki nahin milti surat
hum jahan mein teri taswir liye phirte hain

Imam Bakhsh Nasikh

---

---

sochta hun teri taswir dikha dun us ko
raushni ne kabhi saya nahin dekha apna

Iqbal Ashhar

---

---

kal teri taswir mukammal ki main ne
fauran us par titli aa kar baiTh gai

Irshad Khan ’Sikandar’

---

---

ek mohabbat ki ye taswir hai do rangon mein
shauq sab mera hai aur sari haya us ki hai

Javed Akhtar

---

---

taswir ke do ruKH hain jaan aur gham-e-jaanan
ek naqsh chhupana hai ek naqsh dikhana hai

Jigar Moradabadi

---

---