tum nazar kyun churae jate ho
jab tumhein hum salam karte hain

Abroo Shah Mubarak

---

---

tumhaare dil mein kya na-mehrbani aa gai zalim
ki yun phenka juda mujh se phaDakti machhli ko jal sin

Abroo Shah Mubarak

---

---

har ek baat ke yun to diye jawab us ne
jo KHas baat thi har bar hans ke Tal gaya

Ahmad Rahi

---

---

us ne sun kar baat meri Tal di
uljhanon mein aur uljhan Dal di

Aziz Hyderabadi

---

---

paDhe jao 'beKHud' ghazal par ghazal
wo but ban gae hain sune jaenge

Bekhud Dehlvi

---

---

sun ke sari dastan-e-ranj-o-gham
kah diya us ne ki phir hum kya karen

Bekhud Dehlvi

---

---

unhen to sitam ka maza paD gaya hai
kahan ka tajahul kahan ka taghaful

Bekhud Dehlvi

---

---