sukun-e-dil jahan-e-besh-o-kam mein DhunDne wale
yahan har chiz milti hai sukun-e-dil nahin milta

Jagan Nath Azad

---

---

qarar dil ko sada jis ke nam se aaya
wo aaya bhi to kisi aur kaam se aaya

Jamal Ehsani

---

---

gham hai to koi lutf nahin bistar-e-gul par
ji KHush hai to kanTon pe bhi aaram bahut hai

Kaleem Aajiz

---

---

na jaane ruTh ke baiTha hai dil ka chain kahan
mile to us ko hamara koi salam kahe

Kaleem Aajiz

---

---

manzil pe bhi pahunch ke mayassar nahin sakun
majbur is qadar hain shuur-e-safar se hum

Karamat Ali Karamat

---

---

kise KHabar ki ahl-e-gham sukun ki talash mein
sharab ki taraf gae sharab ke liye nahin

Mahboob Khizan

---

---

nam honTon pe tera aae to rahat si mile
tu tasalli hai dilasa hai dua hai kya hai

Naqsh Layalpuri

---

---