in se ummid na rakh hain ye siyasat wale
ye kisi se bhi mohabbat nahin karne wale

Nadim Nadeem

---

---

har aadmi mein hote hain das bis aadmi
jis ko bhi dekhna ho kai bar dekhna

Nida Fazli

---

---

nae kirdar aate ja rahe hain
magar naTak purana chal raha hai

Rahat Indori

---

---

ishq mein bhi siyasaten niklin
qurbaton mein bhi fasla nikla

Rasa Chughtai

---

---

kanTon se guzar jata hun daman ko bacha kar
phulon ki siyasat se main begana nahin hun

Shakeel Badayuni

---

---