chashm-e-saqi mujhe har gam pe yaad aati hai
rasta bhul na jaun kahin maiKHane ka

Iqbal Safi Puri

---

---

koi samjhae ki kya rang hai maiKHane ka
aankh saqi ki uThe nam ho paimane ka

Iqbal Safi Puri

---

---

main to jab manun meri tauba ke baad
kar ke majbur pila de saqi

Jigar Moradabadi

---

---

saqi mere bhi dil ki taraf Tuk nigah kar
lab-tishna teri bazm mein ye jam rah gaya

Khwaja Meer u0027Dardu0027

---

---

kisi ki bazm ke haalat ne samjha diya mujh ko
ki jab saqi nahin apna to mai apni na jam apna

Mahshar Inayati

---

---

fareb-e-saqi-e-mahfil na puchhiye 'majruh'
sharab ek hai badle hue hain paimane

Majrooh Sultanpuri

---

---

paD gai kya nigah-e-mast tere saqi ki
laDkhaDate hue mai-KHwar chale aate hain

Taashshuq Lakhnavi

---

---