main mohabbat na chhupaun tu adawat na chhupa
na yahi raaz mein ab hai na wahi raaz mein hai

Kaleem Aajiz

---

---

kuchh kahne tak soch le ai bad-go insan
sunte hain diwaron ke bhi hote hain kan

Makhmoor Saeedi

---

---

ghairon pe khul na jae kahin raaz dekhna
meri taraf bhi ghamza-e-ghammaz dekhna

Momin Khan Momin

---

---

daman ashkon se tar karen kyun-kar
raaz ko mushtahar karen kyun-ka

Mubarak Azimabadi

---

---

koi kis tarah raaz-e-ulfat chhupae
nigahen milin aur qadam Dagmagae

Nakhshab Jaarchawi

---

---

un se sab haal daghabaz kahe dete hain
mere hamraaz mera raaz kahe dete hain

Nooh Narvi

---

---

a-pas-e-dil jise apne labon se bhi chhupaya tha
mera wo raaz tere hijr ne pahuncha diya sab tak

Qateel Shifai

---

---