تو کبھی اس شہر سے ہو کر گزر
راستوں کے جال میں الجھا ہوں میں

آشفتہ چنگیزی

---

---

جہاں تک پاؤں میرے جا سکے ہیں
وہیں تک راستہ ٹھہرا ہوا ہے

عبدالصمد تپشؔ

---

---

کٹی ہوئی ہے زمیں کوہ سے سمندر تک
ملا ہے گھاؤ یہ دریا کو راستہ دے کر

عدیم ہاشمی

---

---

کیوں چلتے چلتے رک گئے ویران راستو
تنہا ہوں آج میں ذرا گھر تک تو ساتھ دو

عادل منصوری

---

---

جو رکاوٹ تھی ہماری راہ کی
راستہ نکلا اسی دیوار سے

اظہر عباس

---

---

وہ کیا منزل جہاں سے راستے آگے نکل جائیں
سو اب پھر اک سفر کا سلسلہ کرنا پڑے گا

افتخار عارف

---

---

ہم آپ کو دیکھتے تھے پہلے
اب آپ کی راہ دیکھتے ہیں

کیفی حیدرآبادی

---

---