pani ne jise dhup ki miTTi se banaya
wo daera-e-rabt bigaDne ke liye tha

Hanif Tarin

---

---

wo dhup thi ki zamin jal ke rakh ho jati
baras ke ab ke baDa kaam kar gaya pani

Laiq Aajiz

---

---

hairan mat ho tairti machhli ko dekh kar
pani mein raushni ko utarte hue bhi dekh

Mohammad Alvi

---

---

wo majburi maut hai jis mein kase ko buniyaad mile
pyas ki shiddat jab baDhti hai Dar lagta hai pani se

Mohsin Asrar

---

---

hansta pani rota pani
mujh ko aawazen deta tha

Nasir Kazmi

---

---

hum intizar karen hum ko itni tab nahin
pila do tum hamein pani agar sharab nahin

Nooh Narvi

---

---

main ne apni KHushk aankhon se lahu chhalka diya
ek samundar kah raha tha mujh ko pani chahiye

Rahat Indori

---

---