mohabbat sulh bhi paikar bhi hai
ye shaKH-e-gul bhi hai talwar bhi hai

Jigar Moradabadi

---

---

teri KHushi se agar gham mein bhi KHushi na hui
wo zindagi to mohabbat ki zindagi na hui

Jigar Moradabadi

---

---

un ka jo farz hai wo ahl-e-siyasat jaanen
mera paigham mohabbat hai jahan tak pahunche

Jigar Moradabadi

---

---

koi aaya teri jhalak dekhi
koi bola suni teri aawaz

Josh Malihabadi

---

---

ishq us dard ka nahin qail
jo musibat ki intiha na hua

Josh Malsiani

---

---

ishq hai ji ka ziyan ishq mein rakkha kya hai
dil-e-barbaad bata teri tamanna kya hai

Junaid Hazin Lari

---

---

hain lazim-o-malzum baham husn o mohabbat
hum hote na talib jo wo matlub na hota

Jurat Qalandar Bakhsh

---

---