hansi mein kaTti thin raaten KHushi mein din guzarta tha
'kanwal' mazi ka afsana na tum bhule na hum bhule

kanval Dibaivi

---

---

yaad-e-mazi ki pur-asrar hasin galiyon mein
mere hamrah abhi ghum raha hai koi

Khurshid Ahmad Jami

---

---

kai na-ashna chehre hijabon se nikal aae
nae kirdar mazi ki kitabon se nikal aae

Khushbir Singh Shaad

---

---

allah-re be-KHudi ki chala ja raha hun main
manzil ko dekhta hua kuchh sochta hua

Moin Ahsan Jazbi

---

---

Tahni pe KHamosh ek parinda
mazi ke ulaT raha hai dafta

Rais Amrohvi

---

---

mazi se ubhrin wo zinda taswiren
utar gaya sab nashsha nae purane ka

Rajinder Manchanda Bani

---

---

mazi-e-marhum ki nakaamiyon ka zikr chhoD
zindagi ki fursat-e-baqi se koi kaam le

Seemab Akbarabadi

---

---