ulate hain hamein mehnat-kashon ke hath ke chhaale
chalo muhtaj ke munh mein niwala rakh diya jae

Raza Mauranvi

---

---

zindagi ab is qadar saffak ho jaegi kya
bhuk hi mazdur ki KHurak ho jaegi kya

Raza Mauranvi

---

---

teri tabish se raushan hain gul bhi aur virane bhi
kya tu bhi is hansti-gati duniya ka mazdur hai chand?

Shabnam Rumani

---

---

peD ke niche zara si chhanw jo us ko mili
so gaya mazdur tan par boriya oDhe hue

Sharib Mauranwi

---

---

saron pe oDh ke mazdur dhup ki chadar
KHud apne sar pe use saeban samajhne lage

Sharib Mauranwi

---

---

aaj bhi 'sipra' us ki KHushbu mill malik le jata hai
main lohe ki naf se paida jo kasturi karta hun

Tanveer Sipra

---

---

ab tak mere aasab pe mehnat hai musallat
ab tak mere kanon mein mashinon ki sada hai

Tanveer Sipra

---

---