wafa nazar nahin aati kahin zamane mein
wafa ka zikr kitabon mein dekh lete hain

Hafeez Banarasi

---

---

kuchh aur sabaq hum ko zamane ne sikhae
kuchh aur sabaq hum ne kitabon mein paDhe the

Hastimal Hasti

---

---

ek charagh aur ek kitab aur ek ummid asasa
us ke baad to jo kuchh hai wo sab afsana hai

Iftikhar Arif

---

---

wahi firaq ki baaten wahi hikayat-e-wasl
nai kitab ka ek ek waraq purana tha

Iftikhar Arif

---

---

ye ilm ka sauda ye risale ye kitaben
ek shaKHs ki yaadon ko bhulane ke liye hain

Jaan Nisar Akhtar

---

---

kidhar se barq chamakti hai dekhen ai waiz
main apna jam uThata hun tu kitab uTha

where does lightening strike, priest, let us look
I will raise my glass you raise your holy book

Jigar Moradabadi

---

---

main us ke badan ki muqaddas kitab
nihayat aqidat se paDhta raha

Mohammad Alvi

---

---