gham aur KHushi mein farq na mahsus ho jahan
main dil ko us maqam pe lata chala gaya

Sahir Ludhianvi

---

---

hum jurm-e-mohabbat ki saza paenge tanha
jo tujh se hui ho wo KHata sath liye ja

Sahir Ludhianvi

---

---

hum to samjhe the ki hum bhul gae hain un ko
kya hua aaj ye kis baat pe rona aaya

Sahir Ludhianvi

---

---

jab tum se mohabbat ki hum ne tab ja ke kahin ye raaz khula
marne ka saliqa aate hi jine ka shuur aa jata hai

Sahir Ludhianvi

---

---

kis darja dil-shikan the mohabbat ke hadse
hum zindagi mein phir koi arman na kar sake

Sahir Ludhianvi

---

---

mere KHwabon mein bhi tu mere KHayalon mein bhi tu
kaun si chiz tujhe tujh se juda pesh karun

Sahir Ludhianvi

---

---

mohabbat tark ki main ne gareban si liya main ne
zamane ab to KHush ho zahr ye bhi pi liya main ne

Sahir Ludhianvi

---

---