zamin ne KHun ugla aasman ne aag barsai
jab insanon ke dil badle to insanon pe kya guzri

Sahir Ludhianvi

---

---

hazar chehre hain maujud aadmi ghaeb
ye kis KHarabe mein duniya ne la ke chhoD diya

Shahzad Ahmad

---

---

ahl-e-maani juz na bujhega koi is ramz ko
hum ne paya hai KHuda ko surat-e-insan ke bich

Shaikh Zahuruddin Hatim

---

---

aadamiyyat aur shai hai ilm hai kuchh aur shai
kitna tote ko paDhaya par wo haiwan hi raha

Sheikh Ibrahim Zauq

---

---

samne hai jo use log bura kahte hain
jis ko dekha hi nahin us ko KHuda kahte hain

Sudarshan Faakhir

---

---