hum se kya ho saka mohabbat mein
KHair tum ne to bewafai ki

Firaq Gorakhpuri

---

---

ye jafaon ki saza hai ki tamashai hai tu
ye wafaon ki saza hai ki pae-dar hun main

Hamid Mukhtar Hamid

---

---

wafa ki KHair manata hun bewafai mein bhi
main us ki qaid mein hun qaid se rihai mein bhi

Iftikhar Arif

---

---

wahi to markazi kirdar hai kahani ka
usi pe KHatm hai tasir bewafai ki

Iqbal Ashhar

---

---

hum se koi talluq-e-KHatir to hai use
wo yar ba-wafa na sahi bewafa to hai

Jameel Malik

---

---

ek ajab haal hai ki ab us ko
yaad karna bhi bewafai hai

Jaun Eliya

---

---

hum ne to KHud ko bhi miTa Dala
tum ne to sirf bewafai ki

Khalilur Rahman Azmi

---

---