ishq mein be-tabiyan hoti hain lekin ai 'hasan'
jis qadar bechain tum ho us qadar koi na ho

Hasan Barelvi

---

---

aa ki tujh bin is tarah ai dost ghabraata hun main
jaise har shai mein kisi shai ki kami pata hun main

Jigar Moradabadi

---

---

kuchh mohabbat ko na tha chain se rakhna manzur
aur kuchh un ki inayat ne jine na diya

Kaif Bhopali

---

---

aah qasid to ab talak na phira
dil dhaDakta hai kya hua hoga

Meer Mohammadi Bedar

---

---

hamein bhi nind aa jaegi hum bhi so hi jaenge
abhi kuchh be-qarari hai sitaro tum to so jao

Qateel Shifai

---

---

na kar 'sauda' tu shikwa hum se dil ki be-qarari ka
mohabbat kis ko deti hai miyan aaram duniya mein

Sauda Mohammad Rafi

---

---