KHulus ho to kahin bandagi ki qaid nahin
sanam-kade mein tawaf-e-haram bhi mumkin hai

Muztar Haidri

---

---

tu mere sajdon ki laj rakh le shuur-e-sajda nahin hai mujh ko
ye sar tere aastan se pahle kisi ke aage jhuka nahin hai

Rafiq Raaz

---

---

kaise karen bandagi 'zafar' wan
bandon ki jahan KHudaiyan hain

Sabir Zafar

---

---

jawaz koi agar meri bandagi ka nahin
main puchhta hun tujhe kya mila KHuda ho ka

Shahzad Ahmad

---

---

sidq-o-safa-e-qalb se mahrum hai hayat
karte hain bandagi bhi jahannam ke Dar se hum

Shakeel Badayuni

---

---

shahon ki bandagi mein sar bhi nahin jhukaya
tere liye sarapa aadab ho gae hum

Tabish Dehlvi

---

---