dhup baDhi to wo bhi apne apne panw khinch gae
main ne apne hisse ki jin peDon ko hariyali di

Ataul Hasan

---

---

kisi aur ko main tere siwa nahin chahta
so kisi se tera muwazana nahin chahta

Ataul Hasan

---

---

sirf taswir rah gai baqi
jis mein hum ek sath baiThe hain

Ataul Hasan

---

---

aansu tumhaari aankh mein aae to uTh gae
hum jab karam ki tab na lae to uTh gae

Ataur Rahman Jameel

---

---

aane wali aa nahin chukti jaane wali ja bhi chuki
waise to har jaane wali raat thi aane wali raat

Ataur Rahman Jameel

---

---

dil par barf ki sil rakh dena nagan ban kar Das lena
apne liye donon hi barabar kali ho ki ujali raat

Ataur Rahman Jameel

---

---

kuchh KHwab kuchh KHayal mein mastur ho gae
tum kya qarib nikle ki sab dur ho gae

Ataur Rahman Jameel

---

---