aaj phir apni samaat saunp di us ne hamein
aaj phir lahja hamara iKHtiyar us ne kiya

Saleem Siddiqui

---

---

aaj rakkhe hain qadam us ne meri chaukhaT par
aaj dahliz meri chhat ke barabar hui hai

Saleem Siddiqui

---

---

ab zaminon ko bichhae ki falak ko oDhe
muflisi to bhari barsat mein be-ghar hui hai

Saleem Siddiqui

---

---

apne jine ke hum asbab dikhate hain tumhein
dosto aao ki kuchh KHwab dikhate hain tumhein

Saleem Siddiqui

---

---

eDiyan Dal ke parchhain ki pairon mein mere
qaid rakhte hain andheron mein ujale mujh ko

Saleem Siddiqui

---

---

hum aadmi ki tarah ji rahe hain sadiyon se
chalo 'salim' ab insan ho ke dekhte hain

Saleem Siddiqui

---

---

hun parsa tere pahlu mein shab guzar ke bhi
main be-libas nahin pairahan utar ke bhi

Saleem Siddiqui

---

---