dard itna bhi nahin hai ki chhupa bhi na sakun
bojh aisa bhi nahin hai ki uTha bhi na sakun

Sajid Hameed

---

---

munjamid tha lahu rag-o-pai mein
teri aamad hayat le aai

Sajid Hameed

---

---

aegan ho rahi thi tanhai
teri yaadon ka karobar kiya

Sajid Hameed

---

---

samajh mein waqt ka aaya karishma
nazar KHud par jo Dali hai dinon baad

Sajid Hameed

---

---

kya jaane kab lamhon ki mafrur samaat lauTe
achchhi achchhi aawazon ke jal bichhate rahna

Sajjad Babar

---

---

ah ka shajar hun main aur ek musafir tu
de koi dua mujh ko le koi dua mujh se

Sajjad Baluch

---

---

chhalki har mauj-e-badan se husn ki dariya-dili
bul-hawas kam-zarf do chullu mein matwale hue

Sajjad Baqar Rizvi

---

---